Main Menu

Użytkowników:
1
Artykułów:
1824
Odsłon artykułów:
5091313

Odwiedza nas 189 gości oraz 0 użytkowników.

SANCTISSIMI CORPORIS ET SANGUINIS CHRISTI

Ocena użytkowników: 4 / 5

Gwiazdka aktywnaGwiazdka aktywnaGwiazdka aktywnaGwiazdka aktywnaGwiazdka nieaktywna
 

 

Feria V post Ss.mam Trinitatem

SANCTISSIMI CORPORIS ET SANGUINIS CHRISTI

Sollemnitas

Ubi sollemnitas Ss.mi Corporis et Sanguinis Christi non est de præcepto servanda, assignatur, tamquam diei proprio, dominicæ post Ss.mam Trinitatem.

Ant. ad introitum Cf. Ps 80, 17

Cibávit eos ex ádipe fruménti,

et de petra melle saturávit eos.

Dicitur Glória in excélsis.

Collecta

Deus, qui nobis sub sacraménto mirábili

passiónis tuæ memóriam reliquísti,

tríbue, quǽsumus,

ita nos Córporis et Sánguinis tui sacra mystéria venerári,

ut redemptiónis tuæ fructum in nobis iúgiter sentiámus.

Qui vivis et regnas cum Deo Patre

in unitáte Spíritus Sancti, Deus,

per ómnia sǽcula sæculórum.

Dicitur Credo.

Super oblata

Ecclésiæ tuæ, quǽsumus, Dómine,

unitátis et pacis propítius dona concéde,

quæ sub oblátis munéribus mýstice designántur.

Per Christum.

Præfatio: De fructibus Ss.mæ Eucharistiæ.

Textus sine cantu: Præfatio II vel I de Ss.ma Eucharistia, pp. 545-546.

Ant. ad communionem Io 6, 57

Qui mandúcat meam carnem et bibit meum sánguinem,

in me manet et ego in eo, dicit Dóminus.

Post communionem

Fac nos, quǽsumus, Dómine,

divinitátis tuæ sempitérna fruitióne repléri,

quam pretiósi Córporis et Sánguinis tui

temporális percéptio præfigúrat.

Qui vivis et regnas in sǽcula sæculórum.

Expedit ut processio fiat post Missam, in qua hostia in processione deferenda consecretur. Nihil tamen impedit quominus processio peragatur etiam post publicam et protractam adorationem quæ Missam sequatur. Si processio fit post Missam, expleta fidelium Communione, ostensorium, in quo posita est hostia consecrata, in altari collocatur. Dicta oratione post Communionem, omissis ritibus conclusionis, instruitur processio.