FERIA TERTIA

Da quaesumus, domine, nostrae affectus ieiunii<s> salutare, ut castigatio carnalis adsumpta ad nostrarum uegitationem transeat animarum: per dominum. [GeV 114]

Cordibus nostris, quaesumus, domine, benignus infunde, ut sicut ab escis corporalibus temperamur, ita sensus quoque nostros a noxio retrahamus excesso: per. [GeV 115]

SECRETA. Suscipe, creator omnipotens deus, que ieiunantes de tuae munificentiae largitate deferimus, et pro temporali nobis conlata presidia ad uitam conuerte propitiatus aeternam: per. [GeV 116]

POST COMMUNIONEM. Sumpsimus, domine, caelebritatis annuae uotiva sacramenta; praesta, quaesumus, ut temporalis uitae nobis remedio praeueniant et aeterna: per. [GeV 117]

AD POPULUM. Respice, domine, propicius ad plebem tuam et quam diuinis tribues proficere sacramentis, ab omnibus absolue peccatis: per dominum nostrum. [GeV 118]