XXVIII
QUINTA DOMINICA
QUAE PRO SCRUTINIO CELEBRATUR
Concede, domine, electis nostris, ut sanctis edocti mysteriis et renouentur fonte baptismatis et inter ecclesiae tuae membra numerentur: per. [GeV 254]
SECRETA. Exaudi nos, omnipotens deus, et famulos tuos, quos fidei christiane primitiis inbuisti, huius sacrificii tribuas operatione mundare: per. [GeV 255]
Infra canone ubi supra. Sequitur
POST COMMUNIONEM. Concurrat, domine, quaesumus, populus tuus et toto tibi corde subiectus obtineat, ut ab omni perturbatione securus et saluationis suae gaudia prumtus exerceat et pro regenerandis benignos exoret: per. [GeV 256]
AD POPULUM. Deus, qui cum salute hominum semper operaris, nunc tamen populum tuum gratia habundantiore multiplicas: respice propitius ad electionem tuam, ut paternae protectionis auxilio et regenerandos munias et renatos: per. [GeV 257]
