POST HAEC OFFERT PLEBS, ET CONFITIUNTUR SACRAMENTA
SECRETA. Uirtutum caelestium deus, de cuius gratiae rore discendit, ut ad mysteria tua purgatis sensibus accedamus: praesta, quaesumus, ut in eorum tradicione sollempniter honorum tibi placitum deferimus obsequium: per. [GeV 369]
INFRA ACTIONEM. Communicantes, et diem sacratissimum caelebrantes, quo traditus est dominus noster Iesus Christus: sed et memoriam. [GeV 370]
Item INFRA. Hanc igitur oblationem, domine, cunctae familiae tuae, quam tibi offerunt ob die ieiunii caenae dominicae, in qua dominus noster Iesus Christus tradidit discipulis suis corporis et sanguinis sui mysteria caelebranda, quaesumus, domine, placatus intende: ut per multa curricula annorum salua et incolumes munera sua tibi domine mereatur offerre: diesque nostros in tua pace disponas. [GeV 371]
Item. infra canone, ubi dicimus Qui pridie quam pateretur, in huius diei processione dicimus: Qui ac die, antequam traderetur, accepit panem in suis sanctis manibus, eleuatis. [GeV 372]
POST COMMUNIONEM. Concede, quaesumus, domine, ut percepti noui sacramenti mysterium et corpore sentiamus et mente: per. [GeV 373]
AD POPULUM. Gregem tuum, pastor bone, placatus intende, et oues quas praecioso sanguine filii tui redemisti, diabolica non sinas incursione lacerare: per dominum. [GeV 374]
