Main Menu

Użytkowników:
1
Artykułów:
1898
Odsłon artykułów:
10658966

Odwiedza nas 202 gości oraz 0 użytkowników.

HEBDOMADA XXXIV “ PER ANNUM ”

Gwiazdka nieaktywnaGwiazdka nieaktywnaGwiazdka nieaktywnaGwiazdka nieaktywnaGwiazdka nieaktywna
 

 

HEBDOMADA XXXIV “ PER ANNUM ”

Dominica ultima “ per annum” fit sollemnitas Domini nostri Iesu Christi universorum Regis, pp. 496-499.

Ant. ad introitum Cf. Ps 84, 9

Loquétur Dóminus pacem in plebem suam,

et super sanctos suos,

et in eos qui convertúntur ad ipsum.

Collecta

Excita, quǽsumus, Dómine, tuórum fidélium voluntátes,

ut, divíni óperis fructum propénsius exsequéntes,

pietátis tuæ remédia maióra percípiant.

Per Dóminum.

Super oblata

Súscipe, Dómine, sacra múnera,

quæ tuo nómini iussísti dicánda,

et, ut per ea tuæ pietáti reddámur accépti,

fac nos tuis semper obœdíre mandátis.

Per Christum.

Ant. ad communionem Ps 116, 1-2

Laudáte Dóminum, omnes gentes,

quóniam confirmáta est super nos misericórdia eius.

Vel: Mt 28, 20

Ecce ego vobíscum sum ómnibus diébus,

usque ad consummatiónem sǽculi, dicit Dóminus.

Post communionem

Quǽsumus, omnípotens Deus,

ut, quos divína tríbuis participatióne gaudére,

a te numquam separári permíttas.

Per Christum.