VIII MENSE APRILE / XVIII ITEM ALIA
Concede, domine, populo tuo ueniam peccatorum et religionis aumentum; adque ut ei tua dona multiplices, sanctorum martyrum tuorum patrocinia fac adesse [Ver 57]
Suscipe, domine, propitius aeclesiae tuae munera, et sanctorum praecibus nos tuere, qui tuae iustitiae sunt placentes [Ver 58]
Uere dignum: quia te benedicunt et laudant omnes sancti tui, quibus et in confessionem uirtutem et in passione gloriam contulisti [Ver 59]
Sanctorum percipientibus, domine, quaesumus, salus et mentium praestetur et corporum, ut doni tui fiat nobis et benedictio copiosa et larga protectio [Ver 60]
Da auxilium, domine, quaesumus, maiestati tuae potestatique subiectis, et quidquid suis meritis non praesumunt, sanctorum tuorum praecibus consequantur [Ver 61]
