VIII MENSE APRILE / XXXII ITEM ALIA
Da nobis, omnipotens et misericors deus, ut sanctorum tuorum natalicia celebrantes, quorum praedicamus triumphos, eorum fidem ueraciter imitemur [Ver 122]
Offerimus, domine, munera tuorum tibi sollemnitatibus grata sanctorum, tuam clementiam depraecantes, ut quod ad illorum gloriam, nobis prosit ad ueniam [Ver 123]
Uere dignum: quorum martyrum beatorum pro confessione tui nominis uenerabilis sanguis effusus, sicut tua mirabilia manifestat, qui perficis in infirmitate uirtutem, ita nostris et studiis dat profectum, et fragilitatibus prestat auxilium [Ver 124]
Sanctis interuenientibus, Domine, tibi seruitus nostra conplaceat, et obsequia munerum fiant praesidia deuotorum [Ver 125]
